Mèmoires

A ceste heure, ung peu m’a faillu parler de ce Pierre de Medicis, qui estoit grand chose, car soixante ans avoit, durè ceste auctoritè, si grande que plus ne povoit. Et entra le roy le lendemain en la cité, et luy avoit ledit Pierre faict habiller sa maison. Et jà y estoit le seigneur de Balsac [Balassat] pour faire ledit logis: lequel, qunt il vit dudict Pierre de Medicis, se print à piller ce qu’il trouva en la maison, disant que leur bancquier à Lyon debvoit grant somme d’argent. Et, entre aultres choses, print une licorne antièere, qui valloit six ou sept mil ducatz, et deux grans pièces d’une aultre et plusiers aultres biens. D’aultres firent comme luy. En une aultre maison de la ville avoit retoré tout ce qu’il avoit plus riches bagues et quelzques vingt mil ducatz content qu’il avoit en son banc an la ville et plusieurs beaux potz d’agathe et tant de beaux camaieux bien taillés que merveilles, que autresfoiz avoiz veüz, et bien trois mil medailles d’or et d’argent, bien la pesanteur de quarante livres; et croy qu’il avoit point autant de belles medailles en Ytalie. Ce qu’il perdit en ce jour meubles en la cité valoit cent mil escuz passéz.